Galatians 3

1Galatiatɔwo enumanya tɔwo,ŋkuvi baɖa keyecrɔ mia ?de mu nyi miaŋtɔ miabe ŋkume ye wo ɖe yesu kewo ɖo atisoga leo’a? 2Mu jro kpo ne ma kpla enu kea somiagbɔ.Esea be dɔwɔwɔ ŋti ye mi xɔ gbɔgbɔ kɔkoa ɖoa alo kakaɖo enuke mi le sea ji? 3Enumanyatɔ kpo ye mi nyi nenea?De ye mi je egɔme kudo gbɔgbɔ kɔkoea eye fifia mi ji la wu enu kudo ŋtila’a?

4De ye mi du ayaa sugbɔ gbaloa,Miabe ayaɖuɖu mu ɖo la nyi gbaloo ɖe? 5De ye mu nyi ,ameke sɔ gbɔgbɔ kɔkoɛa na mi gbale wɔ enugagawo le miamea le wɔ ekeawo ɖo esea jia alo xɔse ɖoɖoji?

6Ke ye Abraham” xɔ Mawu ji sea,wu so jijɔɛ neE”,mi se egɔme, 7amekewo xɔse’a woa ye nyi Abraham be vio. 8Ŋɔŋlua gblɔɖɛ be Mawu la ɖekunu na jimaxɔsetɔwo to xɔse ji,eye je ŋkɔ,wo do aŋɛ nyuɛa kea ne Abraham- be: “ 9To jiwoa, wo la tusina amekewo ɖo xɔsea kudo Abraham,ke ye ɖo xɔsea.

10Vɔa amekewo le wɔ ɖo esa jia wo le kpɛsɛ me,ɖo wo ŋluɛɖɛ be,”Kpɛsɛ ne amesiame ke mu wɔɖo enusianu kewo ŋlɔ ɖo ese be xomame’a, ɖo edɔwo keŋke ji.” 11Fifia ekea ne kɔ nyueɖe be mu sɔ enya na ameɖe kpekpe to esea ji. 12Ese mu jɔna so xɔse meo,vɔa le emea,”ameke wɔɖo enukeawo ji to esea jia wo la nɔ agbe to esea ji.”

13Kristo ɖe mi to le esea be kpɛsɛ me, ke yeŋtɔ trɔ zu kpɛsɛ na mia,ɖo enyi ŋlɔŋlɔ be,”kpɛsɛ ye nyi ameke wo ka ɖo atiŋtia.” 14Ta ɖojinua, ye nyi be situ ke nɔ Abraham jia, ne trɔva jima xɔsetɔwo ji to Yesu Kristo ji, ne miateŋ xɔ gbɔgbɔ kɔkɔɛa be ajogbe fiafia to xɔse ji.

15Noviwo, Mu le po nupo sigbe agbetɔwo nene,sigbe agbetɔ be zoɖuɖu kewo ɖo anyia,ameɖekpekpe mateŋ ɖe enuɖe le eme alo la sɔ enuɖe sɔ kpe’o. 16Fifia wo fia ajɔgbe na Abraham kudo yebe jijime.Wo mu gblɔ be: “Na yebe jijime’o,” sigbe be wo sugbɔ nene’o vɔa wobe ne ɖeka tingo,”na apo jijime,”ke nyi Kristo!

17Fifia mu gblɔ be. Ezoɖuɖu ke ji Mawu ɖo kpea jeŋkɔa mu teŋ dokpo eme vava be ajɔgbe fiafia sɔ kuɖo ese ke va eme epe 430 yomea ŋti’o. 18Ɖo ne ecrɔ nu nana va to esea jia mu gba teŋ va to ajɔgbe fiafia ji’o,vɔa Mawu na ecrɔnu Abraham kudo adome faa to ajɔgbe fiafia me.

19Nukɛ ŋuti esea nɔ anyi ɖo? sɔ kuɖo agɔjeje ŋti ye wo sɔɛ na,kaka va na wɛlɛbɛ ke Abraham be jijime kewo fia ajɔgbe na la va,eye ese kea atikplɔtɔwo sɔɛ ɖo ɖowɔwɔ me to amedomeɖotɔa sime. 20Fifia amedomeɖotɔa kpɔna wu ameɖeka,vɔa Mawu nyi ɖeka.

21De esea site ɖo Mawu be ajɔgbe fiafia ŋtia? Mu nyi nene klua’o, ɖo ne wo na ese ɖeka ɖe ke teŋ na agbea , jɔjɔɛsoso teŋ va to ese kea ji. 22Vɔa ŋɔŋlua potɛ enuwo keŋ ɖo evuɛ gɔme.Nenea Mawu be ajɔgbe fiafia na miabe hluɛga le Yesu Kristo me to xɔse jia wo na amekewo xɔsea .

23Vɔa gbɔhue xɔse le Kristo me la va,esa le mi doga,tu mi kaka vana walɛbɛ ke wo ɖe xɔse fiɔ mia. 24Ɖo esea nyi mia ji kpɔtɔ kaka vana gakeme ke Yesu la va ɖe kunu na mi to xɔse jia. 25Fifi ke ye xɔse lea mi mu gbale amejikpɔtɔ ɖe gɔme’o. 26Ɖo miawo keŋ mi nyi Mawu be viwo le xɔse me to Yesu Kristo ji.

27Mi amekewo keŋ ke wole mawusi na le Kristo mea mi sɔ Kristo do sigbe awu nene. 28Yeŋutia vovototo ɖe mu gbale Juɖavi alo Gric alo kluvi alo ame vovo alo nusu alo nyɔnu dome wo, ɖo mi zu enu ɖeka le Kristo me. Keŋ ne mi le Kristo mea , mi nyi Abraham be jijime viwo,to ajɔgbe fiafia ji.

29